AM-Barleti Human Capital nënshkruan marrëveshje bashkëpunimi me Dhomën e Biznesit të Diasporës Shqiptare

Ditën e djeshme AM-Barleti Human Capital përfaqësuar nga znj. Elona Bano dhe Kryetari i Dhomës së Biznesit të Diasporës Shiptare, z. Ardian Lekaj, nënshkruan  një marrëveshje   bashkëpunimi. Qëllimi kryesor i saj konsiston në aplikimin dhe  zbatimin e përbashkët në projekte, programe dhe aktivitete në fushën e punësimit dhe zhvillimit të kapitalit njerëzor. 

Palët do ofrojnë në mënyrë reciproke ekspertizë profesionale për nxitjen  dhe  ndërtimin e kapaciteteve institucionale dhe zhvillimore, aftësimin e kapaciteteve njerëzore, veçanërisht në: orientim dhe këshillim karriere, asistim dhe menaxhim i burimeve njerëzore; shërbime ndaj klientit, strategji biznesi, ide, projekte, si dhe programe zhvillimore dhe trajnuese sipas praktikave më të mira Evropiane.